Buaina chingfel turin inzawmna nghet zawk: China

China chuan ramri chungchanga India nena buaina awm ṭhin chingfel tur chuan ram pahnihte'n inzawmna nghet leh ṭha zawk an neih a ngai a ni, a ti.

Beijing-a National People's Congress neih ruala annual press conference a buatsaihah, China Foreign Minister Wang Yi chuan India leh China chuan ramri buaina an neihte chingfel tura nasa taka an thawh a, ram pa­hnihte thawhdunna pawh tihngheh zual a ngai tih a sawi.

Wang chuan, "China-India ramri buaina hi hmanlai aṭanga awm tawh a ni. Siamṭha turin hun rei tak chhung kan bei tawh a, hma pawh kan kan sawn zel a ni," a ti.

Ramri chungchanga buaina chingfel tura hmalakna chu tlang lawn ang maia thil khirh a nih thu a sawi a, "Mahse hahthlak hle mah se a tlangchhip thleng turin hma kan sawn zel a ni. Hei hi India leh China thawhdunna tihchak a ngaih zualna chhan pakhat a ni," tiin a sawi.