Delhi-ah Tibet mite'n nawrh an huaihawt

'Tibetan National Uprising Day' hmangin, nimin khan Tibet mi eng emaw zat chuan New Delhi-a China embassy kawtah nawrh an huaihawt.

Tibet mite nawrh huai­hawtna hmunah hian police tirh nghal niin, pung­khawmte hi hnawhdarh an tum. Mi­puite hi an kaldarh duh loh avangin police-te nen an innawr buai zui a, police-te'n tiang an hman a ngaih phah a ni.

Delhi police-te chuan embassy gate-a luh tum, Tibet zirlai ṭhenkhat chu an man bawk.

Pungkhawmte hian China lak aṭanga Tibet zalen tir an duh thu an sawi.