Ram pathum tlawh turin PM a zinchhuak

Prime Minister Narendra Modi chu ni nga thanga Seychelles, Mauritius leh Sri Lanka tlawh turin nimin khan a zinchhuak.

PM hian vawiinah Seychelles President James Alexis Michel hmuin, ram pahnihte thawhdun dan turte a sawipui ang. Vawiin vek hian Mauritius a pan ang a, Mauritius-in naktuka National Day an hman tur chu a hmanpui dawn a ni.

PM hian Sri Lanka a thlen hunah an rama political hruaitu hrang hrangte kawm a tum a, an zingah hian Tamil National Alliance leh All Ceylon Tamil pawh an tel. Sri Lanka President Maithripala Sirisen chu summit a neihpui dawn bawk. A cham chhungin Modi hian war zone hlui leh Jaffna a tlawh dawn bawk a, India PM zinga Jaffna tlawh hmasa ber a ni ang.

Foreign Secretary S Jaishankar chuan PM-in Sri Lanka a tlawh hian ram pahnih insumdawnna tawnna leh thawhdunna lamah rah ṭha a chhuah ngei a beisei thu a sawi.