Sorkarin Land Bill a siamah thil 9 a siamṭha

Eptute'n nasa taka an sawi­sel hnuah, eptute'n an pawmpui theih turin sorkar laipui chuan Land Acquisition Bill siamṭhatna tur pakua a rawt.

Sorkar laipuiin bill siamṭhatna tura rawtna a siam zing­ah hian ram an laksak neitute hnena zangnadawmna ṭha zawk pek dan turte pawh a tel.

Hei bakah hian project siam­na tura loneitute ram hman turah ram neitu aṭanga 70% phalna lak ngai turah social infrastructure project telh rawt a ni bawk. Dan hman mekah chuan project zawng zawngah hian a ram neitu 100% phalna lak a ngai a ni.

Sorkar laipuiin land bill siamṭhat a tum dan hi eptu lamte chuan loneitu leh mirethei zawkte duhsak lo leh, mi hausa leh sumdawng liante ṭhatna tura siamah an puh. Hei vang hian a thlak danglam loh chuan an thlawp dawn lo tih an lo sawi tawh a ni. NDA hnuaia BJP thawhpui party ṭhenkhat pawhin he land bill siamṭhat tum dan hi an dodal.

Congress party chuan he bill amendment hi ennawn tura Parliamentary Standing Committee a thawn phawt emaw, kum 2013-a pass tawh anga a original form-a pharh a nih loh chuan an thlawp dawn lo tih a sawi.