Sorkar laipuiin UPSC hnenah advertisement sut turin ngen

Union Public Service Commission (UPSC)-in sorkar hnuaia joint secretary, director leh deputy secretary level-a post 45 lakna tura advertisement a tih chhuah chu sut leh turin sorkar lapui chuan a ngen.

Dr. Jitendra Singh, department of personnel and training minister chuan UPSC chairperson, Priti Sudan hnenah nimin khan ngenna thawnin, advertisement an tih chhuah tawh chu sut a, hna thar lakna tura ruahmana siam chu ṭhulh turin a ngen. Hei hi eptu party-te an sawisel bakah, BJP kaihhruai sorkar, NDA-a an thawhpui Lok Janskhati Party (LJP) in sorkar hna lakna tura Scheduled Caste leh Tribe tana quota engmah siam a ni lo chu pawm theih a nih lo tih an sawi vang a ni. Congress party hruaitu Rahul Gandhi chuan hna lak tum dan hi Dalits te beihna a ni tiin a lo sawi tawh bawk.

LJP hruaitu, union minister Chirag Paswan chuan, "Sorkar hna lakna engah pawh reservation provision hi a awm tur a ni, chhuanlam an siam tur a ni lo". Private sector-ah chuan reservation hi a awm lo a, mahse sorkar hna laknaah pawh hman zel tum a ni chu a duh lo a ni. Sorkarin sut tura a ti chu a lawmawm a tih thu leh, mipuite a ngaih pawimawh zia lantirtu a ni, a ti.