Venezuela do turin US a inpeih :Venezuela FM

Venezuela Foreign Minister Delcy Rodriguez-i chuan US chu Venezuela leh ram dangte do turin ruahmanna siamah a puh.

TV interview a neihah, Rodriguez chuan US President Barack Obama chuan US duh dan zawm lo ramte an do theihna turin Congress pawmpuina a dil mek tih a sawi.

Nilaini khan US Senate-ah President Obama chuan Islamic State (IS) firfiakte, khawi hmuna awmte pawh an beih theihna tura thuneihna sang pe turin a ngen a ni. US President ngenna siam hi sawiselin, Venezuela minister chuan he a ngenna hi Venezuela ram a beihna tura kawng hawngtu a ni, a ti.

Rodriguez chuan, "US-in ram bithliah awm loa sipai chakna hmanga firfiakte beih phalna a dil hi eng ram pawh a beih theihna tur remchang a ni," tiin a sawi.

Venezuela President Nicolas Maduro chuan US-in an ram a beih thulha lo inpeih a, ṭangrual turin an ram mipuite a lo chah tawh bawk. President Maduro hian parliament-ah an ram himna tichhe thei thil laka invenna tura thutlukna rang zawka siam a nih theihna turin thuneihna sang zawk a lo dil tawh bawk a ni.