India-in a vawi khatna atan National Space Day lawm

India chuan a hmasa ber atan nimin, August 23 khan National Space Day a hmang a, thupui atan" Touching lives while touching the moon: India's space saga" tih hman a ni.

India chuan mellung pawimawh tak a siam, kum 2023-a hlawhtling taka thlaa Chandrayaan-3 a kah kai hriatrengna leh lawmna atan August 23 chu National Space Day atan a puang a ni. India hi khawvela thla leilunga zin thei ram palina a nih bakah, thla leilung South Pole-a kal thei hmasa ber a ni bawk. Ramchhung hmun hrang hranga institution-te chuan National Space Day lawmna hun hi an hmang bawk.

Prime minister Narendra Modi leh union minister - Hardeep Singh Puri, Nitin Gadkari leh Mansukh Mandaviya-te chuan X kaltlangin India-in van thereng zinnaa hlawhtlinna a neihte chu uar takin an tarlang. PM Modi chuan X-ah hian National Space Day hmasa ber puala thu a post-ah, "Space sector lama kan ramin hlawhtlinna nasa tak a neih chu kan chhuang a, space scientist-te chuan fak an phu takzet a ni," tiin sorkar chuan he sector in hmasawnna a neih zel theihna atan nasa takin hma an la dawn tih a sawi.