Non-Qualified crew chhawr vangin Air India in Rs nuai 90 chawi dawn

Aviation regulator, Directorate General of Civil Aviation (DGCA) chuan Air India chu a thlawhtheihna service-ah non-qualified crew member a chhawr avangin Rs nuai 90 chawi turin a ti.

DGCA hian Air India Director of Operations leh Director of Training-te chu an thil tihfel loh avang hian Rs nuai 6 leh Rs nuai 3 chawi turin a ti bawk.

Air India hian July thlaa Mumbai-Riyadh flight-ah khan training captain leh trainee pilot-te khalh tura tih a nih laiin, training captain chu a dam loh thut avangin a aiah regular pilot a tir a ni. Mahse inkaihhruaina danah chuan flight-ah hian trainee pilot-te chu training captain nen dah dun ngei tura tih an ni a, designated training captain ni lo, regular pilot nen dah dun tur an ni lo. He thil thleng hi Air India-in July thlaa voluntary report a thehluh aṭangin hriat chhuah a ni.

Hemi chungchangah hian DGCA chuan July 22 khan Air India senior official ṭhenkhat chu insawifiah tura hriattirna a pe a, mahse thil awmdan an sawifiah dan chuan a lungawi thlak lo tih sawiin, action hi an la zui ta a ni. Airlines leh an hotute sum chawitir an nih bakah, pilot pawh hi hetiang thil a thlen nawn tawh lohna tura fimkhur tura hriattir a ni bawk.