PM Modi-a'n Sri Lanka a tlawh

14th March, 2015

Ni nga thanga ram pathum tlawh tura zinchhuak, Prime Minister Narendra Modi chuan nimin khan Mauritius aṭangin special Air India thlawhtheihna hmangin Sri Lanka a thleng.

Sri Lanka-ah hian ni hnih cham turin PM hi a kal a, nimin zing dar 5.25 khan Colombo a thleng a, kum 28 chhung India Prime Minister zinga Sri Lanka tlawh hmasa ber a ni.

PM Modi hian a cham chhungin Sri Lanka President Maithripala Sirisena leh Prime Minister Wickramasinghe te a kawm dawn a, ram pahnihte thawhdunna ṭha zawk siam dan turte a sawipui ang. Sri Lanka Parliament-ah thu a sawi dawn bawk a ni.

Modi-a'n Sri Lanka a tlawh vang hian Sri Lanka sorkar chuan boruak siamṭhatna atan India mi sangha mantu a man 86 a chhuah zalen.

Sri Lanka a tlawh hmain PM hian Mauritius leh Seychelles-te a tlawh a, heng ram pahnihte nena thawhdunna tur inremna thuthlung eng emaw zat ziahfel nghal a ni.