Pawngsual duh lohna lantirin Kristian-te'n kawng an zawh

Kolkata, West Bengal-ah Kristiante'n convent school-a senior 'nun' pawngsual rawn a nih duh lohna lantirin nimin khan kawng an zawh.

Kawngzawh hi Roman Catholic Archdiocese of Calcutta huai­hawta neih a ni a, Park Street-a Allen Park aṭangin zawh ṭan a ni.

Kolkata Archbhishop Thoma D'Souza chuan vantlang mipui hnenah tharum thawh ṭhat lohna leh hmeichhiate zah thiam a pawimawhzia hriattir an duh thu a sawi.

Kar kalta Inrinni zing dar 4 vel khan Ranaghat sub-division-a Jesus and Mary convent school-ah mi pariat lutin, security guard awmchhun chu an phuar a, pawisa awmte an lak hnuah Sister Superior kum 72 mi chu an pawngsual rawn a ni. Police-te'n he pawikhawihtu nia rinhlelh a puh mi pariat an man tawh a, thu zawhfiah mek an ni.

Missionaries of Charity-a thupuangtu, Sunita Kumar chuan midangte tana rawngbawltu, nun-te kutthlak an ni chu mak a tih thu a sawi a, police-te'n pawikhawihtute chu an man thuai a beisei thu a sawi.