Kerala Speaker-in MLA 5 a hrem

Kerala Assembly-a buaina chhuak vangin Speaker chuan Left Party MLA panga a hrem.

Heng MLA panga-te hian Finance Minister-in budget a pharh laiin duh lohna lantirin Speaker dawhkan an suasam a, Assembly session neih mekah tel thei lo turin hrem an ni ta a ni.

Hetihlai hian eptu MLA panga-te hrem an ni chu eptu hruaitu VS Achuthanandan chuan a sawisel a, hmeichhe MLA-te chunga mawi lo taka che, rorellai UDF MLA-te hrem an nih ve loh chhan sawifiah turin a phut.

Kar kalta Zirtawpni khan Finance Minsiter KM Mani-a'n Assembly House-a state budget a pharh dawnin eptu MLA-te chuan duhloin house chhungah buaina an siam a, pawn lamah eptu pawl thlawptute'n nawrh an lo huaihawt bawk. Eptute hian Finance Minister hi zu dawr hawn phalna pek chungchangah thamna sum laa puh a nih avangin hetianga hmingchhiatna neiin budget a pharh hi an duh lo tih an sawi.