Haryana-ah biak-in sak lai tihchhiat a ni

Haryana-a Hisar district-ah Pathianni khan Kristian biak-in saklai chu misualte'n an tihchhiatsak a, 'Shri Ram' inziahna flag an tarsak zui bawk.

Police-te chuan pawikhawihtua rinhlelh mi 14-te lakah thubuai ziak lutin an chhui nghal a, mahse man erawh an la nei lo.

Hetihlai hian khawchhung mite chuan pui­thiam, Subhash-a'n in sakna turin ram hi a lei a, mahse a chenna-in sa loin biak-in, 'Believers Churh' hi a sa ta zawk niin an sawi.

All India United Christian Front president, Sukhdev chuan, "He thil thleng hi thil zahthlak tak a ni. Hisar-ah hian press conference neiin SP pawh a rang thei ang bera misualte hi man turin kan ngen dawn a ni," a ti.