Supreme Court-in Jat reservation a titawp

Supreme Court chuan state pakua-a Jat hnam other backward class (OBC) status pek chhunzawm tura sorkar laipuiin a hriattirna chu hnawlin, Jat hnam reservation a titawpsak.

Court thutlukna puan a nih hnua chanchin thar lakhawmtute a kawmnaah, Advocate Omveer Singh chuan Supreme Court chuan hnam chu thil pawimawh tak ni mah se, hnufual leh hnufual lo tehna ber tur a ni lo nia a ngaih thu leh, Jat hnam chu hnam hnufual anga a ngaih theih loh thu a sawi.

Kum 2014 May thla khan Congress kaihhruai UPA sorkar chuan Jat hnam hi OBC status-ah dahin, reservation a pe a ni. Hemi hnu hian BJP kaihhruai NDA sorkar thar pawhin Jat-te OBC reservation pek chhunzawm zel hi a duh a, mahse Supreme Court chuan a hnawlsak ta a ni.