Court-ah Arvind Kejriwal a inlan

Delhi Chief Minister Arvind Kejriwal chu nimin khan intihhmingchhiat tuma puhna chungchangah nimin khan Karkardooma Court-ah a inlan a, a rual hian a party Aam Aadmi Party hruaitu Manish Sisodia leh Yogendra Yadav pawh an inlan.

Court-ah hian engmah thu ngaihtuah zui a ni rih lo a, an inlan tih chhinchhiahin May 2-a ngaihtuah tura dah nghal a ni.

Kejriwal leh a thawhpuite pahnihte hian anmahni inlan kher ngai lo turin an dil a, mahse court chuan a phalsak lo a ni.

Complain thehluttu, advocate Surender Kumar Sharma chuan kum 2013 khan AAP volunteer pakhat chuan Delhi Assembly inthlanah AAP ticket-a chuh ve turin a rawn bia a, Kejriwal pawhin a remtihpui thu a hrilh tih a sawi. Sisodia leh Yadav-te pawhin AAP Political Affairs Committee-in ticket pek an remti tia an hrilh hnuah inthlan chuh tum hian form a fill up ta niin Sharma chuan a sawi. Mahse form a thehluh hnu hian party ticket-a a din hi an phalsak leh ta lo a ni. Hei vang hian AAP hruaitu pathum lakah hian defamation case a thehlut ta a ni.