Hmeichhiate laka pawikhawihna hi ngaihdam theih a ni lo - PM Modi

Prime minister Narendra Modi chuan Kolkata-a doctor zirlai hmeichhe pawngsual leh thah a nih leh, Badlapur-a kindergarten zirlai hmeichhe naupang pahnih mipat hmeichhiat lam hawia khawih an nih avanga ram chhung hmun hrang hranga lungawi lohna lantir a nih hnuah, hmeichhiate chunga pawikhawihna thleng chu ngaihdam theih a ni lo tiin, pawikhawihtute lakah hremna na tak lekkawh a tiam.

Jalgoan, Maha­rashtra-a 'Lakhpati Didi Sammelan' a hmanpuinaah PM chuan he thu hi a sawi a, "Hmeichhiate himna hi a pawimawh em em a ni. State sorkar tinte pawh hmeichhiate laka pawikhawihna thlen chu ngaihdam theiha ni lo tih ka hrilh nawn leh ang. Pawikhawihtu chu eng mi pawh ni se, humhim a ni tur a ni lo," tiin. Hmeichhiate laka pawikhawihna thlentute hremna na taka pek a nih theihna turin dan pawh thuam chak zel a nih thu a tarlang.