LPG man cylinder khatah Rs 144.5 in pung

Ei rawngbawlna gas, LPG man chu nimin khan cylinder pakhatah Rs 144.5 zetin a pung a, hei hi khawvel puma fuel man a pun chhoh vang a ni. 

Hriattirna tihchhuahah, nimin aṭang khan gas cylinder pakhat man a hmaa Rs 714 ni ṭhin chu Rs 858.50 ah tihsan a ni a, hei hi kum 2014 January thla hnua ṭum khata a man punna san ber ṭum a ni. Kum 2014 January thla khan LPG man hi cylinder khatah Rs 220 zetin tihpun a lo ni tawh bawk. 

LPG cylinder man tihsan a nih rual hian sorkar chuan subsidy a pek chu a let dawnin a tipung ve thung. Subsidy a pek  ṭhin, cylinder pakhata Rs 153.86 ni ṭhin chu Rs 291.48-ah a tipung a, Pradhan Mantri Ujjwala Yojana (PMUY) bene­ficiary-te hnena sub­sidy pek pawh Rs 174.86 aṭangin Rs 312.48 ah a tipung bawk a ni. 

Sorkarin subsidy a  pek leh aṭanga chhutin, LPG rate tharah hian domestic user-ten bur khat Rs 567.02 leh PMUY user ten Rs 546.02 angin an lei thei a ni.