VHP hruaituin British agent-ah Mahatma Gandhi a puh

Vishwa Hindu Parishad (VHP) hruaitu Sadhvi Prachi-i chuan sawisel hlawh tak thu a phuhchhuak leh a, Thawhlehni khan India Hnam Pa, Mahatma Gandhi chu British agent a ni tiin a sawi.

VHP hotu chuan India-in British lak aṭanga zalenna a hmuhna chhan chu Veer Savarkar leh Bhagat Singh-te inpekna vang a ni, a ti.

Uttar Pradesh-a Bah­raich district-a Hindu Sammelan neihnaa thu sawiin, Prachi chuan India mi tu pawh, Hindu leh Muslim pawh ni se, fa pahnih chauh an neih phalsak tur an ni tih a sawi. Fa pahnih aia tam nei duhte chu sorkar lak aṭanga hamṭhatna an dawn leh a hmunhma an hmansakte pawh tihtawp vek a ni tur a ni, tiin a sawi.

'Bharat Mata ki Jai' leh 'Vande Mataram' tih chham lote chuan hnam puanzar an hmusit tihna a ni a, bawng talhtute chuan India rama cheng ve turin dikna an nei lo a ni, a ti bawk.

Sadhvi Prachi hian sawisel hlawh tak thu a lo sawichhuak fo tawh, van­tlang inkhawma a thusawi ṭhinahte politics-a inhnialna nasa tak a lo chawkchhuak tawh ṭhin a ni.