Jats-in reservation beih zui zel tum

Sorkar laipuiin Jats hnam te hnena OBC status a pek chu Supreme Court chuan hnam hnufual zingah telh tur an ni lo tiin a hnawlsak a, mahse Jats hnam hian OBC category pek bakah zirna in leh sorkar hna laknaa re­servation pe leh tura phutin nimin khan Haryana-ah nawrh an huaihawt.

Jats hian reservation pek phutin kum 2008-2014 chhung khan sorkar chu nawrin vawi eng emaw zat chu nunphung tihkhaihlak khawpin nawrh an lo huaihawt tawh a, nikum March thla khan sorkar laipui chuan an thil phut hi a remtihsak ta a ni.

UPA sorkarin Jats tana reservation pek a remtih chu BJP kaihhruai NDA sorkar pawhin chhunzawm zel a duh a, mahse Thawhlehni khan Supreme Court chuan Jats tana OBC quota dah sak chu a titawp sak a ni.