Damdawi hmanrua drug-ah chhiar tel dawn

Sorkarin damdawi leh a kaihhnawih a thunun theih nan, mihring tan emaw ramsa tan emawa India market-a damdawi hmanrua (medical devices) awm zawng zawng chu sorkar kum thar April ni 1 aṭangin, Drugs and Cosmetics Act hnuaia 'drug' category-a dah a nih tawh dawn thu Union health ministry chuan a tarlang.  

Drugs and Cosmetics Act hnuaiah hian dam-dawi hmanrua (medical devices) category 23 a awm mek a ni. Ramchhunga damdawi hmanrua zuarte leh rampawn aṭanga lalutte chu Central Drugs Standard Control Organisation hnuaiah in register ngei ngei tur a ni. Medical Device Rules, 2017 siam-ṭhat a nih hnuah, Medical Devices Amendment Rules, 2020 siam a ni a, ramchhunga damdawi hmanrua zawng zawng chu khuahkhirhna ṭha zawk hnuaia a awm theih nan, Gazette notification tihchhuah a nih thu minis­try chuan a tarlang bawk.

Damdawi hmanrua, moderate risk devices (Classes A leh B) ang chi tana timeline hi thla 30 chhung a ni a, high risk devices (Classes C leh D) atan timeline hi thla 42 tih a ni thung. Hemi awmzia chu notification tihchhuah a nih aṭangin kum 2.5 aṭanga kum 3.5 vel chu damdawi hmanruate hi khuahkhirh an ni rih dawn lo a, mah se notification vang hian damdawi hmanrua zuartute chu an lo inring lawk thei dawn a ni.