HP Assembly-in BJP MP Kangana thusawi demna resolution siam

Himachal Pradesh assembly chuan BJP MP, Kangana Ranaut-in loneitu nawrh huaihawt mekte chungchang a sawidan demna resolution chu Thawhlehni khan an siam.

BJP MP hian ram chhunga loneitute nawrh huaihawt mek chuan India ram chu Bangladesh ram dinhmun angah a chantir thei dawn a ni a ti a, nawrh huaihawtnaah pawngsualnate thlengin ram dang inrawlh an awm niin a sawi bawk.

Congress sorkarna, Himachal Pradesh assembly-ah hian rorellai leh eptu party-te chu BJP MP thusawi chungchangah hian nasa takin an inhnial zui a, a hnuah resolution hi an siam zui ta a ni.

Aam Aadmi Party (AAP) Haryana unit pawhin Thawhlehin khan state MP Kangana Ranaut thusawi duh lohna lantirin nawrh an huaihawt bawk. Nawrh huaihawtte BJP sorkar an demna thuziakte an keng a, Ranaut thusawi chu loneitute laka BJP rilru puthmang dik tak lantirna a ni, an ti.