Uttar Pradesh-in social media policy thar siam

Uttar Pradesh cabinet chuan Thawhlehni khan social media policy thar a pawm. He policy-ah hian social media platform hrang hrang - Facebook, X, Instagram leh YouTube kaltlanga ram inpumkhatna tichhe thei (anti-national) thil tarlang tute hrem theihna siam a ni.

Social media kaltlanga ram inpumkhatna tichhe thei zawnga thil post- chu kum thumg lung-in tan aṭanga dam chhung lung-in tan thlenga hrem theih an ni tawh dawn a ni. Hei bakah digital platform hrang hrang hmanga thu belhchhian dawl lo leh policy-in a phal loh thil tarlangtute chungah pawikhawihna thubuai leh, digital platform hmang suala puhin thubuai ziah luh theih a ni bawk ang.

Policy thar hnuaiah hian sorkar chuan digital agency 'V-Form' chu advertisment pawh buaipui turin a ti. V-Form hian social media-a video, tweet, post leh reels dah chhuahte thlithlaiin a endik dawn a ni.

Social media influencer, account holder leh operator-te hnenah sum pek theih zat pawh bithliah nghal a ni bawk. X, Facebook leh Instagram-ah chuan thla khat atana an sum dawn theih zat hi Rs nuai 5, Rs nuai 4 leh Rs nuai 3-ah bithliah sak an ni. YouTube-ah vidoe, short leh podcast hmanga an sum dawn theih zat chu thla khatah Rs nuai 8, Rs nuai 6 leh Rs nuai 4 chinah ruahman sak an ni bawk.