MP-a sorkar sikul 6,000 chuangin zirtirtu pakhat ṭheuh nei

Madhya Pradesh sorkar portal-a tarlan a nih danin, state chhunga sorkar sikul 6,000 chuangte chuan zirtirtu pakhat ṭheuh an nei a ni.

Zirtirtu pakhat chauhin a enkawl avangin heng sikul-ahte hian grade hrang panga-te chu hall-ah zir khawm vekin, zirtirtu hian subject zawng zawng - language, social science, mathematics leh science te an zirtir vek a ni.

School Education Department data thar bera a lan danin, district 45-a sikul 1,275-ah chuan zirtirtu an awm lo a, district 47-a sikul 6,838 chuan zirtirtu pakhat ṭheuh an nei.

Madhya Pradesh-ah hian sorkar enkawl sikul hi 94,039 a awm a, school education budget-ah hian Rs vbc 33,35 dah a ni. Thingtlang lamah zirtirtu nei lo leh nei tlem tam tak an awm lai hian, khawpui lamah erawh zirtirtu hi an tam a, a chuang liam hi 36,059 zet an awm thung.

State education minister Rao Uday Pratap Singh chuan harsatna an tawh mek chu a hriat thu leh, siamrem tuma hma lak mek a nih thu a sawi.