Mamata-in doctor case chhui mek tibahlahah BJP puh

West Bengal chief minister Mamata Banerjee chuan Kolkata khawpuia doctor pawngsual leh thah a nih chungchangah, pawikhawihna hremna tur chu pakhat chauh, 'thih thleng khai' a awm a ni, a ti. Hemi rual hian BJP chu he pawikhawihna thleng chhui hna tihbalhlah tumah a puh bawk.

Chief Minister chuan Bengal sorkar chuan ni 7 chhungin he pawikhawihna hi chhui fel hman a duh a,mahse a chhui hna thawktu CBI chuan tun thlengin an la tifel thei lo niin a sawi. State assembly-ah anti-rape law thar siamna tur bill pawh an pass dawn niin a tarlang a, criminal law thar BNS chuan pawngsualtute hremna a pe na tawk lo niin a sawi.

Banerjee chuan Kolkata-a pawikhawihna thleng chungchangah BJP chuan artificial intelligence hmangin thu dik tawk lo an thehdarh niin a puh a, sorkar laipui chuan doctor chhungte tana rorelna dik tak kenkawh a duh lo a ni, a ti. CBI chu an thil chhui mekah an thil hmuh chhuahte puangzar turin a phut. Doctor nuar mekte chu an hna thawk chhunzawm tawh turin CM chuan a ngen bawk.