WB sorkarin CBI kutah pawngsual thubuai hlan dawn

West Bengal sorkar chuan kar kaltaa 'nun' pawng­sual thubuai chu Central Bureau of Investigation (CBI) kuta hlan a remti.

National Human Rights Commission hnen aṭangin state sorkar hian hriattirna a dawng a, pawi­khawihna thlen dan chung­changa report chu kar hnih chhunga thehlut turin a hriattir. Hemi hnu hian state sorkar chuan thubuai chhui hna hi CBI kuta dah a rel ta a ni.

Pawngsual thlenna hmuna CCTV footage-ah pawikhawihtute hi lang mah se, tumah man an la ni lo. Mahse media kaltlanga na taka nawr an nih hnuah police-te chuan thu zawhfiah turin mi 10 an hreng.