Union minister atan mi 19 lakluh belh Minister ṭanglai panga ban an ni

6th July, 2016

Prime Minister Narendra Modi chuan nimin khan a cabinet ti lianin, minister atan mi 19 chu rinawmna thu tiamtira lakluh an ni. Hetihlai hian minister ni lai mi panga erawh chu minister an nihna aṭangin ban an ni thung. Tun ṭum hi kum 2014-a sorkarna an siam hnua PM Modi-an a cabinet a sawi danglam ṭum hnihna a ni.

Minister of State aṭangin Prakashs Javadekar chu cabinet rank-ah hlankai a ni a, senior minister Arun Jaitley, Rajnath Singh, Manohar Parrikar leh Sushma Swaraj-i te chu an chanpual sawi danglam a ni lo.

Minister atana lakluh tharte chu -

MJ Akbar :

Madhya Pradesh aṭanga BJP Rajya Sabha MP MJ Akbar hi kum 65 mi a ni a, veteran journalist niin, The Telegraph leh The Asian Age-ah editor a lo ni tawh. Kum 1989 khan Bihar-ah Congress ticket-in MP atan thlan tlin a ni a, mahse kum 2014 Lok Sabha inthlanpui neih hma deuh khan BJP a zawm a ni.

SS Ahluwalia :

Darjeeling aṭanga BJP Lok Sabha MP a nia, PV Narasimha Rao hnuaiah khan cabinet minister a lo ni tawh a, BJP-in dan a siam turah chanvo pawimawh tak tak a lo chelh tawh ṭhin. Bihar leh Jharkhand
aṭangin Rajya Sabha member atan thlan tlin lo ni tawh bawk.

Ramesh Chandappa Jiginagi:

Bijapur, Karnataka aṭanga BJP Lok Sabha MP a ni a, kum 64 mi niin Dalit hruaitu a ni. 2014 Lok Sabha inthlanpui neih zawh hnua Karnataka BJP-in minister atana a chhawpchhuah mi pali zingah a hming pawh hi a lo lang tawh a ni.

Parshottam Rupala:

Gujarat BJP Rajya Sabha MP, Rupala hi kum 64 a ni a, Gujarat CM-a Narendra Modi a awm lai khan agriculture ministe a ni. Tun ṭum hi Rajya Sabha member atana thlan tlin a nih ṭum hnihna a ni. Gujarat-ah chuan Patel hnam hruaitu chak leh thiltithei taka ngaih a ni.

Anil Madhav Dave :

Madhya Pradesh aṭanga BJP Rajya Sabha MP a ni. Kum 59 a ni a, environmentalist niin lehkhabu pawh eng emaw zat a ziak tawh. Kum 2009 aṭang khan Rajya Sabha member atan thlan tlin a ni a, Madhya Pradesh-a BJP poll mangament committee-ah member pawimawh a ni.

Arjun Ram Meghwal :

Rajasthan aṭanga BJP Lok Sabha MP, Meghwal hi kum 65 niin, IAS officer pension tawh a ni. Tunah hian Lok Sabha-ah BJP chief whip ni lai a ni a, tualchhung ṭawng chawilar a nih theihna atana beitu a ni.

Vijay Goel:

Rajasthan BJP Rajya Sabha MP niin kum 62 mi a ni. Atal Behari Vajpayee hnuaiah cabinet mi≠nister a lo ni tawh a, Minister of State for Youth Affairs and Sports a chelh ṭhin.

Rajen Gohain :

Assam aṭanga BJP Lok Sabha MP, Gohain hi kum 65 a ni a, kum 1991 khan BJP a zawm.

Mahendra Nath Pandey :

Uttar Pradesh BJP Lok Sabha MP, Chandauli hi MLA term hnih a chelh tawh a, tun ṭum hi MP term khat a chelhna tur a ni. Nakkuma assembly inthlan neihna tur, UP-ah Brahmin hnam zinga langsar tak a ni. Banaras Hindu University aṭangin doctorate degree a nei.

CR Chaudhary:

Nagpur BJP MP, Chaudhary hi MP a nih ṭum khatna a ni. Rural development lama thiamna bik nei niin, University of Birmingham aṭangin he subject bikah hian degree a nei nghe nghe a ni. Barmer and Ajmar-ah lecturer a ni
ṭhin a, Rajasthan Administrative Services-ah pawh a inziak tling tawh bawk.

PP Chaudhary:

Pali, Rajasthan aṭanga BJP MP a ni a, kum 63 niin RSS thuthlung chawilar duhtu zinga mi a ni a, he pawlah hian kum riat mi a nih aṭangin a tel. Parliament rorel inkhawmah a tel ṭha thei hle a, Lok Sabha-ah pawh Sansad Ratna award ṭum hnih pek a ni tawh.

Ramdas Athawale :

Maharashtra aṭanga RPI Rajya Sabha MP, Dalit hruaitu Athawale hi Rajya Sabha-a an party, Republican Party of India member awm chhun a ni. Maharashtra state-a Congress sorkar minister a ni ṭhin a, kum 2011 khan BJP-Sena ṭangrual pawl a zawm.

Subhash Ramrao Bhamre :

Dhule, Maharashtra
aṭanga BJP Lok Sabha MP, Bhamre hi oncologist a ni. Grant Medical College, JJ Hospital leh Tata Cancer Hospital-ahte a zir ṭhin a, tun
ṭum hi MP term khat a chelhna a ni.

Jaswant Sinh Bhabhor:

Gujarat BJP MP, Dahod hi tribal hruaitu niin, Gujarat-a Modi a CM laiin cabinet mi≠nister a ni a, portfolio pawimawh tak tak changin, tribal affairs and environment ministry pawh a lo chang tawh ṭhin. MLA term nga lo ṭang tawh mah se, MP term khat a chelhna a ni thung.

Mansukh Mandaviya :

Gujarat BJP Rajya Sabha MP a ni a, ABVP hruaitu a ni bawk. Gujarat state-a an chanpual siam≠sak phuta nawr mektu, Patel hnam hruaitu lar tak a ni. Cabinet member-a dah a nih chhan pawh hi Patel hnam buaina chinfelna tura sorkarin hma a lakna kawng khatah ngaih a ni.

Faggan Singh Kulaste :

Tribal hruaitu niin, Vajapayee PM-na hnuaia cabinet minister a lo ni tawh a, Madhya Pradesh aṭanga BJP Lok Sabha MP a ni. Politician a nih bakah agricultu≠rist leh social worker a ni bawk. MP term nga a chelhna a ni.

Ajay Tamta :

Uttarakhand tribal hruaitu, Tamta hi BJP Lok Sabha MP a ni. An state hi nakkuma assembly in≠thlang tur an nih avangin cabinet member atana lakluh a ni. Ani hi BJP-in Uttarakhand-a SC leh ST laka huang zauhna hmanrua pakhat atana a tih nia ngaih a ni. Tamta hi MP a nih
ṭum khatna a ni.

Anupriya Singh Patel :

Mirzapur, Uttar Pradesh aṭanga Apna Dal Lok Sabha MP a ni a, Kuri hnam hruaitu lar tak Sone Lal Patel fanu a ni. Assembly inthlan hmasak khan UP-ah hian BJP chuan Patel-i hmang hian Kurmi vote an hui phah an beisei.

Krishna Raj :

Uttar Pradesh-a Dalit hruaitu, Raj hi MLA term hnih lo chelh tawh niin, BJP Lok Sabha MP ni lai a ni.

Minister aṬanga bante

Minister atana mi thar 19 lakluh an nih laiin, minister ṭanglai panga ban an ni thung a, chungte chu -

MoS Water Resources - Sanwar Lal Jat

MoS Chemical and Fertilisers leh Union state minister for Panchayati - Raj Nihal Chand Meghwal

HRD Minister - Ram Shankar Katheria

Tribal Affairs Minister - Mansukhbhai Vasava

Union Agriculture minister - Mohanbhai Kundari.

Minister 19 lakluh thar leh, a ṭanglai panga ban an nih hnuah, Council of Minister-ah hian PM telin mi 78 an awm ta a ni. Minister tharte hi an chanpual sem la ni lo mah se, an zinga ṭhenkhat chu independent charge pek an ni dawn nia sawi a ni.