Priyanka Gandhi-in politics luhchilh tak tak dawn

Congress President Sonia Gandhi fanu, Priyanka Gandhi chuan politics luhchilh tak tak a tum a, Uttar Pradesh-a assembly inthlan neih tura inbuatsaihnaah pawh star campaigner atan a ṭang dawn nia sawi a ni. Party-ah eng ang chanvo nge pek a nih dawn erawh sawichian a la ni lo.

Priyanka Gandhi chuan hemi chungchangah hian thuchhuah a la siam lo a, mahse party dangte erawh chuan politics a luhchilh tur thu hi a lo helh nghal hle. Priyanka hian a nu Sonia Gandhi leh a nuṭa, Rahul Gandhi-te bial, Amethi leh Rae Bareli-ah campaign pui ṭhin mah se, hmun dangah chuan a inrawlh ngai lem lo.

BJP chuan kum 44 mi, Priyanka-in full time politics luhchilh a tum chu Gandhi chhungkaw chhiatna tur a ni a ti a, UP-a rorel lai Samajwadi Party pawhin an state-ah congress dinhmun chu hun rei tak aṭangin a tlachhe tawh niin a sawi.

Congress party chuan UP assembly inthlan neih tur atan hian July 15 aṭangin campaign neih ṭan a tum a, Priyanka-i hi rally leh public rally hrang hrangah thu sawi tura beisei a ni.