HRD Minister tharin Education road map siam a tiam

Union cabinet siksawi a nih hnua Human Resources Development Minister atana dah thar, Prakash Javadekar chuan Prime Minister Naren-dra Modi berawnin, Edu-cation roadmap siam a tiam.

Javadekar chuan Edu-cation chu party politics thil a ni lo tiin, a kalhmang siamna turah hian mi hrang hrang a berawn dawn tih a sawi bawk. Ngaihdan leh rawtna neite tan a inhawng reng tih a sawi a, HRD minister hlui a thlak tak, Smriti Irani pawh a rawn tur thu a sawi.

Zirna chu thil pawimawh, party bil thil ni loin, mi zawng zawng huap a ni, a ti. BJP-in zirna inah thuthlung lakluh an tum nia sawi chu a hnawl bawk. Minister chuan zirna chu zalenna siamtu, mite thlak danglam theitu dik tak a ni tiin, education quality chu siamṭhat leh awmze nei zawka kalpui a ṭul thu a sawi bawk.

PM-in zirna lama hmathlir a neihte pawh roadmap a siam tur atan hian a pawimawh dawn hle a ni, a ti. Ministry siksawi a nih hma khan Javadekar hian Eviroment ministry a chang a ni.