NSG ten Banladesh an pan dawn

Sorkar laipui chuan National Security Guard (NSG) te chu Bangladesh-a pawikhawihna thleng zirchiang tur leh hnu≠chhuina kawnga pui turin a tir dawn.

Sorkar official chuan Dhaka pan tur hian NSG officer te hi tirh an ni dawn a, hel te chetna leh pawikhawihna thlen dan kim chang hi an zirchiang dawn a ni a ti. Team-ah hian NSG bomb expert leh counter-terror operation team te an tel dawn a ni. Ṭhenawm ram Bangladesh-ah hian July 1 khan Islamic State te chuan bomb an tipuak a, mi tam tak an thi a ni. Ningani vek khan Kishoreganj area-ah bom a puak leh bawk.

India leh Bangladesh te chuan ram pahnih te himna chu an thupui a ni a, he pawikhawihna thleng a ṭang hian inzirna tur tam tak a awm a ni an ti.

NSG te hi ram dang pawikhawihna thleng lian tham eng emaw zatah tirhchhuah an ni tawh a, hel te chet dan leh pawikhawina an thlen theihna laka invendan zir chiangtu an ni. Pawikhawina thlenna hmun Dhaka leh Kishoreganj zirchiang tura NSG luh hi Bangladesh sorkar chuan a remti tawh ni a tarlan a ni.

Bangladesh sorkar chuan India sorkar hnenah ngenn siamin, Mumbai pawikhawihnaa inhnamhnawih Zakir Naik chu an rama pawikhawihna thlengah hian a inhnamhnawi em tih fiah tum turin a ngen. Union Minister Venkaiah Naidu chuan hemi chuang changah hian Home ministry chuan hma a lak nghal tur thu a sawi. Dhaka-a pawihkhawitu zingah hian Bangladesh politicain fapa Rohan Imtiaz chu rin hlelh zing ami a ni mek. Rohan Imtiaz hi Naik ngaisangtu nia hriat a ni. Information minister Hasanul Haq Inu chuan Naik leh Quranic leh Hadith zirtirna chuan inzawmna a neilo a ni, he mi chungchanga thu leng vel chu belhchian dawl lo a ni a ti thung.