Cabinet siksawi leh a nghawng

Cabinet siksawi a nih hnua sawi zui hlawh tak Smriti Irani chuan chanchin a neih belh zel. Minister of State Jayant Sinha chu a chanpual Finace dah ṭhaa civil aviation chang tura tih a ni a, Ravi Shankar Prasad chuan Smriti Irani enkawl Human Resource Development Ministry chu a enkawl tawh dawn thung a ni. Irani hi Textiles chang tura tih a ni.

Irani thupuangtu chuan, Human Resource Development Ministry enkawl chungchangah thusawi tam tak chu thubelh chian dawl lo a ni a ti a, HRD ministry enkawl tura Prakash Javadekar lakluh a nih chhan kan hrelo. Rashtriya Swayamsevak Sangh (RSS) leh BJP te politics a ni a ti. RSS hruaitu pakaht chuan Irani hi a buai em em reng a, chawlh hahdam a mamaw a ni a ti. Irani thlak a nih chhan zinga sawi vawng ber chu India rama zirna sanga tharum thawhna thleng fo chu niin an sawi thung. Hetih lai hian Finance aṭanga civil aviation enkawl tura tih Jayant Sinha pa Finance Minister te pawh lo ni tawh ṭhin Yashwant Sinha chuan sorkar thil kapui dan chu hriatthiam a har a tih thu a lo sawi ve mek bawk.

Education Minister thar Prakash Javadekar chuan India ram chhunga zirnaina hrang hranga tharum thawhna titawp tura hma a lak tur thu a puang. Javadekar chuan Smriti Irani nen chuan an hrang hlak tih a sawi a, nimahsela a ni hnen aṭang hian thurawn ka la dawn a ni a ti. Zirlaite himna chu a ngaipawimawh tih sawiin, zirlai aiawh te nen inkawmna hun an neih thu a sawi bawk.

Human Resource Deve≠lopment minister Java≠dekar chuan zirlaite buaina tawh sukian tur hian hma a la dawn tih sawiin, a ṭul a nih chuan zirlai aiawhte nen pawh inbiakna neih ṭhin a ni ang a ti. Nilaini khan Javadekar hian Irani chu a chenna inah a tlawh a, Textile minister nen hian Jawaharlal Nehru University leh Hyderabad University tharum thawhna thleng chungchang an sawi rin a ni. Javadekar chuan zirna chu thil pawimawh tak a ni a ti a, party politics tuinua chiah chi a ni lo a ti a, education roadmap siam a nih tur thu Prakash Javadekar chuan a sawi bawk.