Jet Airways ei tur siamah Chukchu hmuh a ni

Jet Airways chu an eitur siamah Chukchu a tel avangin an hming chhe hle. Birju Salla chuan Nilaini khan Jet Airways hmangin Mumbai aṭangin Rajkoty a pan a, thlawhna chhunga an ei tur semah Chukchu a tel avangin a pum a na a, a khua a sik zui a ni.

Salla chuan ei tur an sem a eizawh hnu lawkah a pum a na a, a khua a sik zui tih sawiin, thlawhnaa hnathawk te a hriattir hnuah damdawi pawh pe loin a ei tur lam chu thlak leh mai turin an hrilh niin a sawi. Rajkot a thlen hnu hian a pumna avangin a che zui thei lo tih a sawi a, Mumbai doctor phone-in a biaa a ni chuan damdawi a chawh ta niin a sawi. Hnathawkte chet danah a lungawi loh thu sawiin Salla chuan Airline thuneitute hnenah thilthleng chungchang chu a hriattir nghal thu a sawi.

Air Passenger's Asso­ciation of India President Sudhakara Reddy chuan, "Passenger te chuan hna­thawktute hnenah an har­satna an thlen ang a, ngaihsak an nih loh chuan Director General of Civil Aviation (DGCA) ah thlen tur a ni" a ti. Vanduaina thleng chu pawi a tih thu Reddy chuan sawiin, Jet Airways thuneitute chuan ngaihdam an dil tur a ni a ti. Jet Airways hian ei tur siam danah hian kalphung mumal tak an nei nia sawi a ni a, regular audit an nei ṭhin nia sawi a ni bawk. He thil thleng hi Jet Airways chuan a ngai thu tak hle a, chhui chian a nih tur thu Jet Airways thupuangtu chuan a sawi.