Maha cabinet tilian, minister 11 lakluh belh

Maharashtra Chief Minister Devendra Fadnavis chuan nimin khan a cabinet tilianin, minister thar 11 a lakluh belh a, an zinga mi 10-te hi minister an nih ṭum khatna tur a ni.

Minister thar lakluh inkhawmah hian Maharashtra-a BJP-in ṭangrual sorkar a siampui, Shiv Sena hotu Uddav Thackeray erawh a tel lo.

CM Fadnavis hian a cabinet tihlen rual hian, thla hmasaa eiruknaa inhnamhnawiha puh a nih avanga bang ta, senor minsiter Eknath Khadse hna chan pual pawh a siamrem nghal a ni.

Prime Minister Narendra Modi-an union cabinet a tihlen a, minister thar atana mi 19 lakluh an nih khan Maharashtra-a a thawhpui, Shiv Sena party hi telh an ni lo a, hei vang hian Shiv Sena hi an lungawi lo hle nia sawi a ni. Tunah hian Sena hian union minister pahnih a nei mek a ni.