Mozambique hnenah SUV pe

Africa ram pali tlawha Prime Minister Narendra Modi a thang mek laiin, India chuan Ningani khan South Africa ram, Mozambique ram zirna puihna tura US dollar maktaduai 4.5 a pek tihpuitlin nan SUV 30 chuang a pe.

Motor-te hi External Affairs Ministry-a Secretary (Economic Relations) chuan Mozambique Interior Ministry hnenah a hlan a ni.

External Ministry thupuangtu, Vikas Swarup chuan, "Mahindra SUV 30 chuang pek a nih hian, India-in Mozambique interior ministry puihna tura dollar maktaduai 4.5 a pek tur chu a hlen≠chhuak ta a ni" a ti.

SUV hlan a nih hma hian PM Modi chuan Centre for Innovation and Technological Development (CIDT) hnenah India hnen aṭanga thilpek, bus pali a lo hlan tawh bawk. PM hian CIDT campus hi tlawhin, zirlaite a kawm kual a ni. Hemi hnu hian Mozambique rama India mi awmten inkhawm an buatsaiah thu a sawi nghal bawk.