Kerala-in junk food-ah chhiah tisang

Kerala state chuan an state chhunga thau lutuk te puihna leh venna tur kawng khat atan junk food leh fast food item-ah chhiah a tisang.

State sorkar chuan junk food item, burger, pizza leh dougnut hralhna, eatery leh restaurant-a chhiah a lak chu 14.5% in a tisang niin official chuana tarlang. He dan thar sia hi multinational food chain, McDonald leh Domino-ahte lak a ni tawh a, anni hian customer-te hnena an ei tur hralhna chhuahna rate erawh chu an duh angin an siam rem dawn a ni.

Junk food aṭanga chhiah lak tihsan hi sorkar thar siamtu, Left Front sorkarin a rawt a ni a, sorkar hmasa Congress kaihhruai khan zu laka fihlim state an nihna turin policy a lo siam tawh bawk. State chhunga bar tam tak chu khar a ni tawh a, mahse fiver-star leh luxury hotel-te erawh chu khap zingah hian an la tel lo.

Kumin kumtir lam khan Bihar state pawhin an state-a ei tur lar tak, samosas-ah chhiah a lak chu a lo tisang tawh bawk a ni.