PM hoin Council of Ministers ṭhukhawm

Prime minister Narendra Modi kaihhruaiin Nilaini, August 28 khan Council of Minister meeting neih a ni. Meeting-ah hian hmeichhiate laka harasatna thlentu hrang hrang leh, a hun taka policy hman a nih theihna tur ngaihpawimawh chungchang sawi ho a ni.

Sushma Swaraj Bhawan-ah meeting hian darkar nga zet a awh a ni. BJP kaihhruai NDA sorkar term thumnaa ni 100 chhunga thawh tur an lo duante a hlawhtlinna te thlir ho a ni bawk.

Council of Ministers ṭhukhawmah hian thil pali - hmeichhia, mirethei, ṭhalai leh loneitute dinhmunte sawiho leh ngaihtuah a ni a, sorkar deparmtent-a secretary eng emaw zatin an telpui bawk a ni.

Meeting-a an sawi ber chu sorkar scheme leh policy thar chungchangah awmze nei zawka hna thawh a nih theihna atana mipuite hnena inzirtirna leh hriattirna mumal tak kalpui a ni. Infrastructure project tharte pawh sawi ho a ni bawk. Sorkarin social sector hnuaia hmalakna a neih leh a hlawhtlinna chu sawiho zingah a tel.

Deparment hrang hranga official-te chuan ni 100 chhunga an ministry ṭheuhin hmasawnna leh hlawhtlinna a neihte an tarlang bawk a ni.

Infrastructure lama hmasawnna tur atan, NDA sorkar hian kum 2047-a Viksit Bharat nih tuma a hmathlir tihhlawhtlinna tur kawng khat atan rel kawng, ports, airport leh industrial smart city siamna tur in Rs vbc nuai 2.40 chuang hu project a lo pawm tawh bawk.