India leh Tanzania-in inremna ziak

Tanzania leh India chuan thawhdunna tur inremna thuthlung panga an ziak.

Africa ram tlawh kual tura zin, Prime Minister Narendra Modi-an Tanzania a tlawh laiin he inremna thuthlung hi ziah a ni. PM Modi chuan Tanzania President John Pombe Joseph Magufuli nen chuan defence leh security lama thawhdunna tihnghet te, a bikin tuipui lam venhimna chak zawka kalpui te an remtih thu a sawi.

Ram hruaitu pahnihte meeting an neih zawhah thuchhuah inṭawm siamin, firfiaka chetna thleng an dem thu te, khawvel sik leh sa danglam chak zel veng tura thawh an duh thute an tarlang.

Thawhdunna tur inremna thuthlung an ziah zingah hian Zanzibar water supply system tihchangtlunna atana dollar maktaduai 92 pekna tur pawh a tel. Hei bakah hian water resource management and develpment lama thawhdunna tur te, Zanzibar-a vocational training centre dinna tur te, National Small Industries Corporation of India leh Small Industries Development Organization, Tanzania thawhdunna turte pawh a tel.

PM Modi chuan ram pahnihte hian Tanzania rama khawpui 17-ah water project siam hna pawh an thawk dun mek a ni, a ti.