Kudankulam-ah n-plant-ah thla 3 chhungin 1,000 MW

Tamil Nadu-a Kudankulam atomic power project-a unit pahnihna chuan thla thum chhungin power 1,000 MW a siamchhuah theih beisei a nih thu Station Director H.N Sahu chuan a sawi.

Sahu chuan thla khat chhungin unit pahnihna aṭang hian 430 MW siamchhuah beisei a nih thu sawiin, Pathianni zan aṭang khan a vawi khatna atan hna thawh
ṭantir a ni tih a sawi. Power siamchhuah hi 50% in tihpun phawt a ni ang a, a hnuah 75% , 95% leh 100% ahte tihpun a ni dawn a ni.

Hetihlai hian unit pathumna leh palina siamna tur hmanruate chu Kudankulam-ah hian a thleng ṭan tawh niin Sahu chuan a sawi.

Nuclear Power Corporation of India (NPCIL) chuan Tirunelvelli district-a Kudankulam-ah hian 1,000MW nuclear power station pahnih a din a, hmanruate hi Russia-in a supply a ni. Unit dang pahnih siamna tur hian cheng vaibelchhe 4,000 vel ruahman a ni.