Police leh maoists inkahnaah mi panga thih dan chhui dawn

Odisha Chief Minister Naveen Patnaik chuan tunhnaia Kandhamal-a Maoists laka beihpui thlak a nih ṭuma tribal mi panga kahhlum a nih dan chu chhuichiang turin thupek a tichhuak.

July 8-a Kandhamal district-a Gumutmaha-a police leh Maoists-te inkahna thlengah khan khawtual mi panga an thi a, midang pasarihin hliam an tuar bawk. Thi zingah hian hmeichhia pahnih leh mipa naupang kum hnih mi an tel. Thi leh hliamte hi Baliguda-a MGNREGA hnuaia an inhlawhfakna pawisa la tura kalte an ni.

CM chuan thi chhungte hi z·ngnadawmna, cheng nuai nga ṭheuh pek an nih tur thu a sawi a, State Human Roights Protection Cell-a Special Investigation Team chuan an thih dan hi a chhuichiang dawn a ni, a ti.