Bihar Chief Minister hlui jail-ah dah a ni

Bihar Chief Minister hlui, Jagannath Mishra chu ranchaw man cheng tam tak tihchingpen thubuaiah thiam loh chantir a nih hnuin, Ni­ngani khan Birsa Munda central jail-ah dah luh a ni.

High court thupek angin Mishra hi special CBI court-ah a inpe a, hemi hnu hian jail-ah hian dah a ni. Mahse jail-a dahluh a nih hnuah hian natna hrang hrang a neih avang­in Rajendra Institute of Medical Sciences (RIMS) ah sawn leh nghal a ni.

Kum 2013 October thla khan ranchaw man tihchingpen thubuaiah Mishra hi thiam loh chantir a ni tawh a, mahse bail a dil nghal a ni. High Court chuan a bail-a chhuah phalsakna hi nikum December 19 khan pawhsei sakin, March 19, 2015 thleng a phalsak a, March 20-ah inpe turin a hriattir a ni.

Thiam loh chantir a nih hma lawkin Mishra hian brain stroke a nei a, hei bakah hian diabetes type II bakah lung lam natna a nei tel a, tun hnaiah thisen cancer a ni tih hmuh­chhuah a ni leh bawk. Jha chuan Medanta-ah Mishra hian treatment a la mek tih a sawi.