Indian-American Kristian-te'n PM Modi hnenah ngenna an thlen

Indian-American Kristian-te chuan Prime Minister Narendra Modi-a hnenah India rama Kristian institution leh hruaitute'n beih an tawk ṭhin chu titawp tura hma la turin an ngen.

Federation of Indian American Christian Organisations of North America (FIACONA) chuan India ramah Kristian institution-te'n beih an tawk fo chuan a ti hreh­awm hle tih an sawi a, West Bengal-a Catholic nun pawngsual rawn a ni chu an dem takzet tih an sawi bawk.

FIACONA president, John Prabhudoss chuan, "West Bengal-a pawngsualna thleng chungchangah CCTV image a awm vek chunga pawikhawihtute chhuah an ni hi pawi kan ti a, misualte hi political group-te'n an hum em ni tih thlengin min ngaihtuah tir a ni," a ti.

PM Modi-a'n sakhaw tihbik a awm loh thu a sawi chu lawmawm an tih thu an sawi rual­in, Haryana-a a party, BJP rorelna-a Kristian biak-in beih a nih chung­changah a kaihhruai sorkar a ngawi reng chuan a ti lawm lo hle tih an sawi bawk.