Union Cabinet-in PMKVY a pawm

Union cabinet chuan ṭhalaite hnena thiam thil zirtirna tur scheme, Pradhan Mantri Kaushal Vikas Yojana (PMKVY) chu a pawm a, hemi atan hian cheng vaibelchhe 1,500 rua­hman a ni. Ṭhalai thiam­thil zirtir tur zingah hian Class 10 leh 12 zir zo loa chawlte pawh huam tel tir an ni.

He flagship scheme hmang hian ṭhalai hna nei lo, zirna chhunzawm thei lo mi nuai 24 vel chu National Skill Development Corporation (NSDC) kaltlangin an eizawnna tura thil pawimawh leh ṭangkaite zirtir an ni ang.

Official chuan PMKVY scheme atana sum ruahman, cheng vaibelchhe 1,500 zing­a vaibelchhe 1,120 chu ṭhalai nuai 14-te skill training pekna atan hman a ni dawn tih a sawi. Building leh hmalakna dang pawimawh tan cheng vaibelchhe 67 pek a ni ang, a ti. Hmarchhak bial aṭanga ṭhalaite training pekna bik atan cheng vaibelchhe 150 dah a ni bawk.