India hmarlamah ruah a la sur nasa dawn : IMD

India Meteorological Department (IMD) chuan September thla chhungin India hmarlam hmun tam zawkah ruah a la sur nasa dawn niin a tarlang.

Uttarakhand, Rajasthan, Himachal Pradesh leh Punjab-ahte ruah nasa taka a sur chhoh dawn avangin tuilian leh leimin thlen a hlauhthawnawm niin IMD chuan a sawi. August thla chhungin India ramah ruah tui tla chu 'normal' aiin 16% in a tam zawk a, kum 2001 hnuah thla khata ruahtui tlak tam lama pangana a ni pha.

September thla chhung hian chawhrualin ram pum huapa ruahtui tla hi 'above-normal' tura ngaih a nih laiin; Bihar hmarlam, Uttar Pradesh hmarchhak, India hmarthlang lamahte chuan 'below normal' tura ngaih a ni thung.

August thla chhungin ram pum huap anga ruahtui tla chu ṭum dang aia a tam rualin, August thla hi kum 1901 hnua a lum ber ṭum a ni tih IMD chuan a tarlang bawk. Rampuma tehin, August thlaa minimum temperature average chu 24.29 degree Celsius a ni a, normal chu 23.68 degree Celsius a ni.