Amritsar bula ramriah Pakistan mi pahnih kah hlum an ni

Border Security Force (BSF) chuan nimin khan Amritsar bula India leh Pakistan inrina, Rajatal thingtlang khaw bulah Pakistan mi pahnih ralthuam keng an kap hlum.

Pakistan mi pahnih an kah hlumna hi district headquarters aṭanga km 40 vela hlaah a ni a, an mi kah hlumte kut aṭang hian AK-56 rifle, magazine pahnih leh live round 61 an man bakah Magnam rifle (calibre 223 bore, semi-automatic), magazine pakhat leh live round 29 an man a ni. 

Norinco Olympia pistol (calibre 30 bore) leh PVC pipe pahnih an man tih an tarlang bawk a ni.

Inkahna thlen hun hi zingkar dar 2.18 velah a ni a, 71 battalion sipaite chuan zero line-a thirlen inhung karah chuan mi che an hmuh hnuah warning an pe chung pawha an din loh avangin an kap ta tih an sawi.