Foreign fund tel loin Ram Temple sa dawn

Uttar Pradesh-a Ayodhya hmuna Ram Temple sakna turah ram dang aṭanga ṭanpuina engmah an lak dawn loh thu leh, ramchhung  mipuite thawhkhawm hmang chauha sak a nih tur thu Shri Ram Janmbhoomi Teerth Shetra Trust chuan a puang. 

Trust general secretary Champat Rai chuan ram dang aṭanga fund pek dawn phalna pawh an dil dawn lo tih a sawi a ni. 

Ram Temple sakna tur hian Trust chuan ram pumah mass contact leh contribution campaign a nei thuai dawn sawiin,  `Shri Ram Mandir Nidhi Samarpan` drive chu nakkum January 15 aṭanga February 27 thleng neih a ni dawn tih Rai chuan a sawi. Hemi hun chhunga hian ram chhunga khaw 4,00,000-a chhungkaw maktaduai 110-ah he campaign hi kalpui hman an tum a ni.  

Temple sakna tura sum thawh dan pawh langtlang taka kalpui tum a ni tiin, trust chuan Rs 10 coupon vaibelchhe li, Rs 100 coupon vaibelchhe riat leh Rs 1,000 coupon nuai 12 a print tawh tih Rai chuan a sawi.