Bawngsa kawl vangin Dalit mi pali sawisa

Gujarat-a Gir Somnath district-ah Dalit hnam mi pali chu bawngsa kawla puh an nih avangin na taka sawisak an ni a, kawngah kilometer khat dawna thui hnuh an ni bawk.

Dalit mite sawisak an nih lai video hi social media lamah nasa taka thehdarh a ni. He thila inhnamhnawiha puh mi panga chu IPC section 307 leh section 395 hnuaiah leh Scheduled Castes and Scheduled Tribes (Prevention of Atrocities) Act hnuaiah thubuai siamsak an ni a, an zinga pathum chu man an ni tawh.

Mi pali kutthlakte hi Samadhiyala khuaa cheng an ni a, savun siam lama sumdawng a ni. Una khuaah bawng vun tihfaitir tumin an kal a, bus stand-ah Shiv Sena member nia hriatte chuan lo tidingin an lo tibuai zui ta a ni. An pali hian an kawr hak laite hlihsakin, motor-ah an phur a, mipui tamna laiah dah an ni a, thir pipe-in darkar chanve dawn an vaw zui bawk. Sawisak an tawk lai hi mi tam takin an thlir a, mahse an zinga tumahin an chhan ngam lo a ni.