Hyderabad-ah IS firfiak nia rinhlelh man

National Investigation Agency (NIA) chuan Thawhlehni khan Hyderabad-ah Isamic State (IS) firfiak pawla tel nia rinhlelh mi pahnih an man leh. Hemi hma hian IS nia rinhlelh mi panga an lo man tawh bawk a ni.

NIA-in an mante hi Ataullah Rehman leh Yasser Naimathullah an ni a, Bandlaguda-a Quba colony leh Moghalpura-a Darogh Lane aṭangin an man a ni. An pahnih hian Nampally-a NIA special court-a hruai an nih hnuah hren zui a ni. Mi pahnih an mante hian India rama pawikhawihna thlen tumin ruahmanna an siam niin report chuan a tarlang.

Rehman hi IS pawl zawm tura midangte huikhawm kawngah hma latu ber a nih bakah, vantlang punkhawmna hmun hrang hrangah Improvised Explosive Devices (IED) tihpuah a tum niin NIA chuan a sawi. IS member nia rinhlelhte pawh a rukin meeting a neihpui fo a, hei hi a hmaa mi panga an lo man tawhte pawhin an sawi a ni.

Naimathullah hi IS tana sum zawngtu ber a ni a, Hyderabad-a IS-in hma a lak theihna turin terrorist fund hran siam an tum bawk.