Modi-a'n Pakistan National Day-ah Nawaz Sharif chibai a buk

Prime Minister Narendra Modi chuan Pakistan Prime Minister Nawaz Sharif chu 'Pakistan National Day'-ah chibai bukin ram pahnih inkara thlamuang leh zalen taka inbiakna neihpui a duh thu a sawi.

PM Modi chuan hei hi a twitter account-ah thailangin, "Pakistan National Day-a ka chibai bukna chu Nawaz Sharif hnenah ka thawn tawh a, ram pahnih inkarah inbiakna boruak ralmuang leh duhawm tak hnuaia neih theih a nih hi ka ring tlat a ni,"a ti.

Pakistan High Com­missioner to India Abdul Basit chuan Pakistan chu India nen a an inkar boruak ṭha lo zawng zawng ching fel tura a inpeih tawh thu sawiin, Jammu and Kashmir-a buaina chungchang pawh ṭha taka sawi ho an duh thu a sawi a,remna leh ram pahnih hmasawnna tur a nih phawt chuan engtiklai pawha Pakistan chu a inhawn reng thu a sawi a ni.

Abdul Basit chuan Pakistan Prime Minister Nawaz Sharif chuan ramin hma a sawnna turin remna chu a tuipui ber thu a sawi bawk.