J&K CM-in AFSPA hlih a la nih tur thu sawi

Jammu and Kashmir Chief Minister Mufti Mohammad Sayeed chuan ṭangrual sorkar a siampui, BJP nena an inkar boruak ṭha lo chawk tho thei zawngin thu a sawi leh a, a kaihhruai sorkar chuan J&K-a sipai thuneihna sang pekna dan, Armed Forces Special Powers Act (AFSPA) chu a la hlip dawn tih a sawi.

People's Democsratic Party (PDP) hruaitu leh J&K CM Sayeed hian a hma pawhin an thawhpui, BJP rawn loin India lak aṭanga inlakhran duhtu, Masarat Alam chu a lo chhuah zalen tawh a, hei hi BJP bakah political party dang hrang hrangten na takin an sawisel a ni.

Sayeed chuan ramchhung security dinhmun thlirin, state sorkar chuan 'disturbed area' a puante chu a ennawn ṭhin dawn a ni, a ti. 'Mi hrang hrangte ngaihdan lain, AFSPA pawh hi hlih a la ni ang, hemi atan hian sipaite ngaihdan pawh lak a ni tel ang' tiin CM chuan a sawi.