Nirbhaya documentary: SC-in advocate hriattirna pe

Supreme Court chuan Delhi-a hmeichhe pakhat pawngsual rawn vanga thiam loh chantirte advocate pahnih chu he thil thleng chanchin tarlanna, documentary film siamah hmeichhe chungchangah ṭawng­kam mawi lo tak hmanga puh an nih avang­in insawifiah turin hriattirna a pe.

Justice V Gopala Gowda leh C Nagappan awmna bench chuan hriat­tirna hi pein, "Petition thehluhah advocate-te laka lungawi lohnate hi kan hmu a ni. He thil hi uluk taka ngaihtuah a ngai a ni," a ti. Advocate pahnih, ML Sharma leh AP Singh-te chu kar hnih chhunga insawifiahna thehlut turin a hriattir a ni.

Petition thehluttu hi Supreme Court Women Lawyers Association a ni a, an petition thehluhah hian advocate pahnihte hi Supreme Court compound luh phalsak lo tura ngenin, documentary-a an thusawi chu thil sawi awm lo, uchuak leh rilru chhe tak pu an ni tiin, an thusawi hi hmeichhiate zahawmna palzutna leh beihna a ni, an ti.

Supreme Court Bar Association pawhin hmeichhe lawyer-te hi an thlawp thu an sawi.