Congress-in VK Singh bang turin a phut

Minister of State for External Affairs General VK Singh (retd) chuan Thawhṭanni khan Delhi-a Pakistan Day function a hmanpui a, nimin khan Congress chuan minister dangte'n he hun hi an hmanpui ngai lo tih sawiin VK Singh hi bang turin a phut.

Pakistan High Commission-a Pakistan national day hmannaah sor­kar aiawhin VK Singh hi a tel a, hemi hnu hian Singh hian a twitter-ah a lung­awi loh thu sawilangin, a kal chu a 'duty' ni mah se, sorkar aiawha tirh a ni chu a lawm loh thu a tarlang.

Congress hruaitu Manish Tewari chuan nimin khan Singh hi chhangin, Pakistan laka sorkar chetdanah a lawm lo hle a nih chuan a bang mai tur a ni, a ti.