India leh China-in ramria boruak muanawn siam duh
Ramri chungchang buaina chinfel dan kawng zawnga inbiakna an neihah, India leh China chuan ramri-ah boruak muanawm a awm theihna turin thawhdunna ṭha leh chak zawka hma lak a ngaih thu an sawi. Inbiakna hi nimin khan an zo.
BJP kaihhruai NDA sorkar hnua ram pahnihte'n inbiakna an neih hmasak berah hian India aiawhin Special Representatives of India, Ajit Doval leh China aiawhin State Councillor Yang Jeichi-te an tel. Hei hi ramri chungchangah ram pahnihte'n inbiak an neih ṭum 18-na a ni.
Ministry of External Affairs chuan nimin khan thuchhuah siamin, "Ram pahnihte chuan ramri boruak ṭha a awm theihna tura a ṭul anga hma lak an remti a, hei hi ram pahnihte inlaichinna ṭha leh nghet a awm theihna tura thil pawimawh tak a ni," a ti.
Inbiaknaah hian ramri chungchang bakah khawvel huap thil te, firfiakte beih let dan te, maritime security, sik leh sa danglam chungchang leh civil nuclear energy lama thawhdunnate pawh an sawi tel bawk.